Duha ka estudyante gikasohan og unjust vexation

CEBU, Philippines — Gipasakaan og kasong unjust vexation ang duha ka engineering students sa usa sa mga unibersidad sa Siyudad sa Sugbo kini bisan pa sa pagpangayo nila og pasaylo.

Sayo pa, giklaro sa duha ka tinun-an nga nadala ra sila sa ilang kiat ug dili nila intensiyon nga mag-picture unya ang background mga polis nga nagbantay sa Fiesta Señor.

Apan si Police Lieutenant Colonel Gerard Ace Pelare, tigpamaba ni Police Regional Office-7 nagkanayon nga ang maong hitabo magsilbi nga liksiyon sa tanan aron magmatngon kanunay sa mga lihok aron dili mahisama sa duha ka tinun-an.

"Our police officers were religiously delivering their duties, performing their duties and you cannot insult them, and you cannot just offend them by doing this very insulting actions", matud ni Pelare.

Matud ni Pelare nga sa wala pa mag-picture ang mga tinun-an giingong aduna kini gihimo nga nakapainsulto sa mga polis nga nag-duty niadtong higayona.

Ang maong aksyon sa mga tinun-an mo-qualify sa pagpasaka og kasong unjust vexation.

"There's a case now, the case is unjust vexation and it's up to them how they are going to explain it to the court but as far as the police is concern, we have arrested them legally and with enough sufficient legal basis", dugang ni Pelare. BDB BANAT NEWS