Dugang MPUV ang gilaomang magbiyahe sa Dakbayan sa Sugbo

CEBU, Philippines — Dugang modernized public utility vehicles (PUV) ang gilaomang magbiyahe sa Dakbayan sa Sugbo.

Kihi human sa paglusad sa 40 ka units sa modern jeepneys isip parti sa PUV modernization program sa gobiyerno.

Si Cebu City Mayor Michael Rama ang nangulo sa ribbong cutting ug paglusad sa maong inisiyabo diha sa Cebu Business Park.

Ang opisyales sa gobiyerno, representante sa transportation sector ug publiko ang nitambong sa maong kalihokan.

Gawas sa 40 ka bag-ong sakyanan, dugang 80 ka sakyanan ang gilaomang i-turn over sa umaabot, kini base sa taho sa City’s News ug information team.

Ang maong mga sakyanan lakip kini sa tinguha sa kagamhanan sa pag-modernize sa public transport system alang sa lawas, komportable ug dugang efficient service ngadto sa publiko.

Subay niini, ang mga karaan ug gubaon nga mga sakyanan ang pulihan sa modern, environmentally-friendly models nga equipped sa ulahing safety features.

Ang bag-ong mga sakyanan gilaoman nga mas fuel-efficient ug equipped sa arconditioning ug ubang amenities aron ang mga commuter mas komportable.

Si Rama nipadayag sa iyang pasalamat ngadto sa tanang nalambigit sa insiyabot sa pag-encourage sa tanan sa pagtinabangay aron mahimong malamposon ang proyekto.

Sayo pa, gikataho sa Presidential Communications Office nga ang mayoriya sa PUV operators nisusporta sa desisyon ni Presidente Ferdinand Marcos, Jr..

Si Jesus Ortega, chairman sa Office of Transportation Cooperatives nagkanayon nga  si Marcos naminaw kini sa hangyo sa mga kooperatiba sa pag-extend sa consolidation niadtong Marso 2023.

Apan gihimug-atan ni Ortega nga kinahanglang mohimo usab og lig-on nga desisyon ang presidente nga dili na lugwayan ang deadline niadtong Disyembre sa niaging tuig.

Sa laing kalamboan, giklaro usab ni Ortega nga ang gikataho nga P50 nga plete sa modern jeepneys ang walay basehan diin iyang giklaro nga ang gobiyerno dili dayon makaimplementar og lakang alang sa fare matrix kong walay hustong konsultasyon.

Ang Land Transporation Franchising and Regulatory Board mopahigayon usab og mga hearing ug meeting ug mo coordinate sa National Economic and Development Authority sa dili pa moluwat og desisyon kabahin sa usbaw sa pletehan. — /BDB (BANAT NEWS)