Contingents sa Sinulog sa Kabataan sa Dakbayan mosalmot sa grand showdown
CEBU, Philippines — Si Cebu City Mayor Michael Rama nipadayag sa iyang kalipay sa iyang nakita nga ang tanang contingents nga nisalmot sa Sinulog sa Kabataan sa Dakbayan tugotan na nga makasalmot og balik sa Sinulog grand showdown diha sa South Road Properties karong Enero 21, 2024.
Adunay kinatibuk-ang 12 ka contingents sa maong kalihokan, kasagaran gikan sa Cebu City ug first-timer gikan sa Talisay City ang Tribo Divinohanon sa Divino Amore Academy.
Kagahapon si Rama nagkanayon nga ang tanang 12 ka contigents ang tugotan nga mosalmot. Lakip niini ang Aktibong Binaliwhanon, Barangay San Roque, Tribu Masadyaong Subanian sa Suba, Labangon, T. Padilla, Pundok Baniladnon sa Banilad, Banay San Nicolasnon, Banauan Cultural Group sa Guadalupe ug Tribu Mabolokon sa Mabolo, Mambaling ug Sapangdaku.
Kasagaran ang top performers lang sa Sinulog sa Kabataan ang kwalipikadong moapil sa grand showdown.
Ang maong mga performers dili kini mga fillers tungod kay kuwang og entry apan angayan sila og spot sa final showdown.
Ang contingents s Sinulog sa Kabataan sa Dakbayan ang nisaad sa pagpauswag sa ilang performances.
Ang maong contingents nanghinaot nga makuha ang nahabilin sa kinatibuk-ang gisaad nga subsidy.
Si Rama nitambong kagahapon sa Sinulog sa Kabataan sa Lalawigan isip suporta kang Gobernador Gwendolyn Garcia ug sa uban pa.
Kagahapon gisubli ni Rama nga wala siya magdumot ni bisan kinsa ug dili usab panimawos sa mga nitalikod kanila. — /BDB (BANAT NEWS)
- Latest