Gobiyerno dili andam sa modernization — Partido Manggagawa

CEBU, Philippines —  Giawhag sa labor group Partido Manggagawa (PM) ang gobyerno nga unahon ang locally-made vehicles sa ipatuman niini nga modernization program.

Kini aron kaminusan ang gasto ingon man makahatag og trabaho subay sa panawagan ni Senator Koko Pimentel alang sa transparency sa supply sa mga imported minibuses.

Suma pa ni PM-Cebu spokesperson Dennis Derige nga pinaagi sa paghimo niini sa gobyerno mahimong malipayon ang bag-ong tuig sa mga operators ug drivers.

Dugang pa ni Derige nga ang usa ka buwan nga kalangay sa implementasyon sa franchise consolidation nagpakita lang nga ang gobyerno dili andam sa mga sangpotanan sa jeepney modernization plan.

Iyang gipasabot ang extension sa franchise consolidation gikan sa Disyembre 1, 2023 ngadto na sa Enero 31, 2024.

“The government is not willing to admit the reality but it is aware that the public transport system will fail if the hard deadline for consolidation was enforced last January 1. In fact, not only do jeepney operators and drivers stand to lose their means of livelihood but commuters stand to lose their means of transportation,” suma pa ni  Derige.

Dugang pa ni Derige nga ang "bitter truth" kun paet nga kamatuoran nga ang gobyerno dili andam sa pagpatuman sa jeepney consolidation ingon man sa pagtapon na ngadto sa modernization.

Gipahinumdum usab niini nga ang gobyerno kinahanglan nga mosubay sa principle sa International Labour Organization nga mao ang “just transition”.

Ubos sa “just transition”, ang mga apektado nga workers ug komunidad kinahanglan nga dili makasinate og kalisdanan nga resulta sa himoong kausaban. — Gikan sa The Freeman, MEL (BANATNEWS)