Rama mohangyo sa Konseho nga P35 mil nga bonus ang ihatag sa mga kawani

CEBU, Philippines — Si Mayor Michael Rama sa Dakbayan sa Sugbo mohangyo sa konseho sa siyudad nga ipadayon ang paghatag sa unang gipahibalo niya nga bonus nga P35 mil ngadto sa mga regular og casual nga empleyado samtang P10 mil sa mga job order nga trabahante.

Si Rama nipadayag sa iyang kasubo dihang P20 mil ra ang naaprobahan sa konseho alang sa bonus sa regular ug casual samtang P5 mil sa JO lahi tungod kay sa kagustohan sa mayor nga giingong ang kuwang unta kini sa plano nga mohatag og P50 mil panahon sa charter day apan P15 mil ra ang unang nahatag.

Matud ni Rama nga manaygon nalang siya uban sa mga empleyado ngadto sa konseho aron mahatagan ang mga empleyado sa city hall og kalipay niining panahon sa pasko uban sa ilang mga pamilya. Si Rama nagkanayon nga nibati siya og kauwaw sa desisyon sa konseho tungod kay ang P35 mil nga bonus alang kini sa mga pamilya sa mga empleyado sa city hall nga magmalipayon ning pasko bisan nahibawo siya nga adunay pipila ka mga trabahante ang dili deserving sa maong bonus.

Gibutyag ni Rama nga mopadala kini og suwat ngadto sa konseho ug mohangyo og special session aron mapun-an ang bonus nga ihatag diin andam siya nga mopirma og dokumento ug iyahang barogan ang katungod sa mga trabahante aron silang tanan magmalipayon panahon sa pasko. Pipila ka department heads ang gipangayoan og pagpasabot sa mayor kalabot sa bonus nga nadunggan sa mga empleyado. (BANAT NEWS)