58 porsyento sa mga nikandidato sa BSKE nisumitir sa SOCE

CEBU, Philippines — Mokabat sa 58 porsyento sa mga nikandidato sa Barangay ug Sangguniang  Kabataan (SK) elections sa Dakbayan sa Talisay ang nakaduso sa ilang Statement of

Contribution and Expenditures (SOCE). Kini ang gitug-an ni Atty. Charise Faith Sojor, election officer sa Talisay ug suma pa  niya nga 58 porsyento o 490 pa lang sa mga nikandidato ang nakasumiter niini.

Nasayran sa kinatibuk-an adunay 842 ang nikandidato sa miaging piniliay sa

Barangay ug SK elections sa dakbayan sa Talisay. Matud pa ni Sojor nga kadtong mapakyas sa pagduso sa ilang SOCE lauman nalang

nila nga ang finance committee sa ulohan nila nga buhatan ang motawag na sa ilang atensyon.

Dugang pa niya nga lakip sa ilang huwaton ang penalty ug kung ikaduha na kini

kahigayon nga wala makaduso sa SOCE posibleng di na makadagan pa sa mosunod nga piniliay.

Ang deadline sa pagsumitir sa SOCE motapos na karong adlawa diha sa buhatan sa Commission on Election (COMELEC).

Una nang gipahibawo nga wala mohatag og lugway sa pagduso niini ang Commission on Elections.