Mga sakyanan gitugotan na nga mo-left turn paingon sa Candulawan

CEBU, Philippines — Mahimo na nga maka-left turn ang mga sakyanan gikan sa Barangay Tabunok paingon sa Barangay Candulawan, Siyudad sa Talisay.

Si Konsehal Danny Caballero, chairman sa committee on traffic management sa siyudad uban ni Jonathan Tumulak, pangulo sa City of Talisay-Traffic Operation Development and Authority (CT-TODA) maoy nihimo sa pagbukas sa barrier aron makaagi ang sakyanan.

Si Caballero nibutyag nga ang maong lakang nahimo human sa hangyo sa mga molupyo ug sumasakay diha sa dapit.

Sayo pa, pipila ka buwan o tuig na nga giimplementar kini sa CT-TODA sa tinguha nga dili mabalda ang dagan sa trapiko.

Kagahapon, gikuha na ang barrier nga nibabag alang sa pag-left turn sa mga sakyanan.

Giklaro ni Caballero nga left turn lang ang gitugotan ug wala gitugot ang pag U-turn

Gihangyo usab ang mga motorista nga motuman lang sa gipatuman nga palisiya aron dili madakpan ug makamulta sa nahimo nga kalapasan. (BANAT NEWS)