CPPO ni-review sa mga krimen sa nangaging katuigan

CEBU, Philippines — Gi-review sa Cebu Police Provincial Office (CPPO) ang mga krimen nga taas sa nangaging katuigan isip kabahin sa ilahang pagpangandam sa holiday season.

Matud ni Police Colonel Percial Zorilla, direktor sa Cebu Police Provincial Office nga ang maong lakang magsilbing basehanan nila sa ilang mga plano.

Si Zorilla mimando sa iyang mga sakop nga crime prevention ang nag-unang focus nila.

Kinahanglang makita ang kapolisan diha sa kadalanan lakip na usab sa mga lugar nga dugokan og daghang tawo aron mapugngan ang mga daotang panghitabo ug mapakgang ang mga dautang tawo nga nagtinguha nga mohimo og krimen.

Nasayran nga daghang suroyanan sa Probinsiya sa Sugbo ang adtuon sa mga tawo karon nga nagkaduol na ang pasko ug bag-ong tuig hinungdan nga ang kapolisan hugot usab nga nagbantay aron masiguro nga luwas ang mga tawo.

Daghang estratehiya nga gihimo ang kapuolisan ug usa na ang paghingusog sa police visibility diha sa kadalanan ug sa mga lugar nga dugokan og daghang tawo. (BANAT NEWS)