Usa ka caretaker og resort nasikop sa buy-bust operation

CEBU, Philippines —  Caretaker sa usa ka beach resort ang nadakpan sa buy bust operation nga gipahigayon sa kapolisan sa dakbayan sa Lapu-Lapu niadtong Biyernes sa gabii.

Ang dinakpan giila nga si Dandan Pangatungan 29 anyos nga taga barangay Looc sa maong dakbayan og giingong caretake sa usa ka beach resort sa Barangay Marigondon.

Giila ang nadakpan nga mao si Dandan Pangatungan, 29 anyos nga taga Barangay Looc sa maong dakbayan.

Si Police Major Airbert Jay Samson, pangulo sa City Drug Enforcement Unit (CDEU) sa Lapu-Lapu City Police Office (LCPO) miingon nga ilang gihimo ang buy bust operation batok kang Pangatungan human usab nila makumpirmar ang nadawat nilang impormasyon kalabot sa ilegal niining kalihokan sa maong lugar.

Nakuha gikan sa dinakpan ang upat ka gramo nga shabu nga nagkantidad og P25 mil uban sa buy bust money nga gigamit sa pusuer buyer sa pagpalit og drugas.

Ang dinakpan kasamtangan karon nga gitanggong sa ilang holding facility sa LCPO ug liwas sa pagsaulog sa kalag-kalag ilang ipasaka ang kaso batok niini. (BANAT NEWS)