Pagtrabaho sa karsada nakamugna og kahuot sa trapiko sa CSCR
CEBU, Philippines — Nakamugna og kahuot sa dagan sa trapiko ang pagtrabaho sa usa ka lane sa Cebu South Coastal Road (CSCR) habig sa Barangay San Roque, Dakbayan sa Talisay kagahapon sa buntag.
Ang City of Talisay-Traffic Operation Development and Authority (CT-TODA) nakadiskubre sa pagtrabaho sa dalan niana nang pagkabuntag.
Si Jonathan Tumulak, pangulo sa CT-TODA nibutyag nga proyekto sa Department of Public Works and Highways (DPWH) sa Siyudad Sugbo ang gipahigayong pag-ayo sa karsada.
Mga alas 7:40 sa buntag, niabot na ang kutay sa mga sakyanan diha sa Sitio Kalmar, Barangay Lawaan 1, Dakbayan sa Talisay.
Nagtuo si Tumulak nga daghan ang na late sa trabaho og klase gumikan sa kahuot sa trapiko diha sa maong lugar.
Ug posible usab nga adunay mga negosyo nga naapektohan sa kahuot sa trapiko.
Gipanghinaot ni Tumulak nga unta adunay koordinasyon ang magtrabaho sa karsada aron makaplano ang motorista sa ilang biyahe. (BANAT NEWS)
- Latest
