CCPO mopatuman sa anti-noise pollution ordinance
CEBU, Philippines — Ang Cebu City Police Office mopatuman sa anti-noise pollution ordinance sa kagamhanan sa siyudad diin tumong niini nga dili mabalda ang mokuha sa Regionalized Bar Examination.
Ang Bar Examination ipahigayon sa Septiyembre 17, 20 ug 24, 2023 diha sa University of San Carlos School of Law and Governance sa dalan Pelaez, Dakbayan sa Sugbo ug University of San Jose Recolotes - Basak Campus.
Nasayran nga niabotc ngadto sa 1,100 ang mo take og exam diha sa University of San Jose - Recoletos samtang sa University of San Carlos aduna kini 540 ka examinees. Nasayran nga 200 ka polis ang giandam sa Cebu City Police Office (CCPO) aron mobantay sa nahisgutang duha ka tunghaan ug abagan usab sila sa Cebu City Transportation Office, Cebu City Disaster Risk Reduction and Management Office ug sa mga barangay.
Matud ni Police Lieutenant Colonel Janette Rafter, deputy city director for operations ug tigpamaba sa CCPO nga nahan-ay na ang pagpangangam nga ilang gihimo diin alas 2:00 pa lang sa kadlawon ipakatap na ang mga polis ug mahuman ang pagbantay sa alas 10:00 sa gabii.
"So far we are ready for the 2023 Bar Examination", matud ni Rafter. BDB (BANATNEWS)
- Latest
