Pagbansay sa komunidad pag-responde og kalamidad gihingusgan
CEBU, Philippines — Gihingusgan pa sa Talisay City Disaster Risk Reduction and Management Office (CDRRMO) ang pagbansay sa komunidad labot sa pagresponde sa bisan unsa nga panghitabo.
Gibutyag ni Alvin Santillana, pangu sa CDRRMO nga ila nang gilibot ang matag barangay aron sa pagpahigayon sa training.
Matud pa niya nga ilang isiguro nga mapuno sa kaalam sa pagresponde sa bisan unsa nga katalagman ang katawhan kay sila mismo ang nasayod sa ilang dapit.
Sulod sa 22 ka barangay, usa nalang ang wala pa nila masuroy og natudloan sa mga pangbuhaton labot sa pagresponde sa mga emerhensya.
Iya sab nga gipahinumdoman ang nagpuyo sa flood prone areas nga magmatngon ingon man ang mga nagpuyo sa landslide prone area ug daplin sa sapa ug kadagatan ilabi na nga nagsige ang pag uwan. Dugang pa ni Santillana nga mas maayo nang adunay kaalam sa pagresponde aron mamenusan ug malikayan ang disgrasya.
- Latest
