U-turn nga ipatuman sa CCTO gituki uban sa CT-TODA
CEBU, Philippines — Gituki sa managsilingang dakbayan, ang Cebu City ug Talisay City ang plano nga magbutang og U-turn slot para sa mga sakyanan diha sa dalan N.Bacalso sa habig sa Barangay Bulacao, Syudad sa Sugbo.
Kini aron masiguro nga ang mga motorista nga gikan ug padung sa maong duha ka siyudad dili makatampo sa problema sa trapiko.
Una niini, ang Cebu City Traffic Office (CCTO) mopatuman sa U-turn diha sa Barangay Bulacao pila ka metros sa dili pa maabot sa utlanan sa Talisay City.
Apan wala kini dayon mapatuman tungod kay kinahanglang una kining sabutan kauban sa Talisay kay sila sab maapektahan niini. Si Jonathan Tumulak, pangu sa City of Talisay-Traffic Operation Development Authority (CT-TODA) nagkanayon nga aduna siyay mga sugyot ug unta matagad kini sa taga CCTO.
Ang tumong niya nga dili lang masulbad ang dagan sa trapiko sa Syudad sa Sugbo kundi maapil pud ang Talisay. — IBM (BANATNEWS)
- Latest
