Oil spill gibantayan nonot sa pagkalunod sa tugboat sa Naga

CEBU, Philippines —  Gipakatap na sa Coast Guard District Central Visayas ang ilang Marine Environmental Protection Force didto sa kadagatan sa dakbayan sa Naga aron paghimo og pamaagi aron kapugngan ang oil spill sa nalunod nga tugboat niadtong Domingo.

Ang MTUG Sugbo 2 nakasinate og kadaut sa hull niini ug nalunod sa vicinity sa kadagatan sa Barangay East Poblacion Naga City.

Lakip sa gihimo sa coastguard personnel mao ang pagbutang og 3 ka segments sa oil spill boom, 2 ka bales sa absorbent pads ug 4 ka segments sa absorbent boom sa area diin nalunod ang MTUG Sugbo 2.

Ang nalunod nga tugboat dunay karga nga 8,612 liters sa diesel ug 1,200 liters sa Lube Oil.

Niadtong lunes sa buntag ang CGSS Naga uban sa ilang Deputy Commander, MEPFORCE-CC ug representatives sa Metro Cebu Harbor Pilot Company Inc, nakigkita ni Naga City Mayor Valdemar Chiong, aron tukion ang buhaton nga contingency plan ug Salvage Plan nga buhaton sa maong tugboat.

Base sa pagtuki sa CGSS uban sa tag-iya sa maong shipping company ilang gipaneguro nga padayon ang pakig-alayon sa local nga kagamhanan ug moduso usab sila ug taho may kalabutan sa ipahigayon nga salvage operation.

Nagpahigayon usab ang CGSS Naga ug MEPFORCE-CV kauban ang kompanya nga tag-iya sa shipping sa manual recovery gamit ang absorbent pads jibe water surf ug shoreline inspection sa kadagatan sa barangay sa North Poblacion, Colon ug Tuyan, lakip usab ang pakig-alayon sa silingang siyudad ug munisipalidad sa pagbantay sa oil spill.

Ang response team nga naglangkob sa CGSS Naga ug MEPFORCE-CV padayon usab nga nagmonitor sa sitwasyon ug sa pag kontinar sa nahabilin nga oil sulod sa nalunod nga vessel.

Base sa findings sa coastguard ang MTUG Sugbo 2 nakasugat ug kadaut sa ilang steering portion sulod sa engine room human kini nasudlan og tubig tungod usab sa dagkong balod nga nasinati niadtong tungora.

Samtang luwas ra ang pito ka crew nga sakay sa maong tugboat human sila ma rescue. — MEL (BANATNEWS)