Mga brgy kapitan nga nagserbisyo og tulo ka termino gipasidunggan

CEBU, Philippines — Gihatagan og pasidungog atol sa gipahigayon nga Liga ng mga Barangay sa siyudad sa Mandaue ang mga barangay kapitan nga walay bugto ang ilang serbisyo sulod sa tulo ka termino.

Nasayran ang Liga ng mga Barangay Night maoy tipik ug kabahin sa mga kalihokan sa ika 54-ka tuig nga pagsaulog sa Charter Day sa maong dakbayan.

Naglakip sa gipasidungan mao si Subangdaku Barangay Kapitan Ernie Manatad, Cambaro Barangay Kapitan Celma Sanchez, Kapitan Nelson Rubio sa barangay Omapad ug Paknaan barangay kapitan Malaquias Soco.

Si Mandaue City mayor Jonas Cortes sa iyang pamahayag atol sa maong kalihokan mipadayag og mga pasalamat ngadto sa maong mga barangay kapitan tungod sa ilang gihatag nga serbisyo ngadto sa mga molopyo sa mga barangay nga ilang gialagaran. — /MEL (BANAT NEWS)