Lapu-Lapu napiling beneficiary sa P188 milyones nga infrastructure project
CEBU, Philippines — Gipahigayon ang groundbreaking ceremony sa P188 milyones nga proyekto diha sa Brigadier General Benito Ebuen Air Base sa Dakbayan sa Lapu-Lapu.
Ang nahisgutang prohekto mao ang pagaugmaron nga Rotary Hangar and Fixed Wing Hangar.
Si Kongresista Cindi King-Chan, Lapu-Lapu City Mayor Junard "Ahong" Chan ug pipila ka mga sakop sa konseho sa dakbayan ang nitambong sa maong kalihokan.
Ang maong duha ka mga proyektong pang-imprastraktura ang nahan-ay kini subay sa Tatag ng Imprastraktura para sa Kapayapaan at Seguridad (TIKAS) nga programa sa tuig 2023 ug natigayon pinaagi sa pagtinabangay sa Department of National Defense ug sa Department of Public Works and Highways (DPWH) diin ang Siyudad sa Lapu-Lapu ang napili nga usa sa mga beneficiary niini.
Si Mayor Chan nipadayag sa iyang paghangop ug nihatag og gibug-aton sa katalagsaon sa maong matang nga proyekto tungod kay dugang kini nga world class facilities sa Mactan Benito Ebuen Air Base. (BANAT NEWS)
- Latest
