Estatwa ni Dr. Jose Rizal gihugawhugawan

CEBU, Philippines — Nasagmuyo si Mayor Junard “Ahong’ Chan sa Dakbayan sa Lapulapu sa paghugawhugaw sa pinaagi sa pagbandal-bandal sa Monumento sa Nasudnong Bayani nga si Dr. Jose Rizal.

Ang mayor nipadayag nga bisag unsaon pagpahinumdum nga dakong ginadili ang paghugaw-hugaw sa ilang siyudad pero aduna gihapon ang dili makasabot hinungdan dili gihapon siya moundang sa pagsikop sa mga malapason.

Si Chan, nanganti nga hatagan gyud og leksyon ang mga masakpang tighugaw-hugaw sa siyudad.

Ang mayor nanawagan sa mga oponganon ug sa katawhan nga tabangan ang siyudad aron mailhan ug madakpan kining mga badlungon.

Subling gipahibalo sa mayor nga dunay madawat nga cash ang tawong makasumbong ug makatumbok kun si kinsa kining mga kusog mamandal diha sa siyudad.

Gipasubay na usab ni Chan ang mga CCTV units nga duol sa plaza aron masubay kinsa kining mga nagbuhat niini. — /IBM (BANAT NEWS)