Direct flights sa Cebu-Canada tinguha ni Gwen
CEBU, Philippines — Nagtinguha si Gobernador Gwendolyn Garcia nga adunay direct flights gikan sa Mactan Cebu International Airport (MCIA) padulong sa nasud sa Canada ug vice versa.
Iyaha kining gihisgotan atol sa pagbisita ni Canadian Ambassador to the Philippines David Bruce Hartman niadtong Hunyo 29,2023.
Sa taho sa Cebu Capitol Information Office, si Hartman gustong palig-unon ang commerce ug cultural exchanges tali sa iyang nasud ug sa probinsiya sa Sugbu.
Usa na niini ang pag-promote niya sa mga travel destinations sa Pilipinas ngadto sa iyang mga kababayan.
Apan kun si Garcia pasultihon, dali ra kining buhaton kun adunay direct flights gikan sa Sugbo padulong sa bisa’g asa nga siyudad didto sa Canada.
Ang mga Canadians maoy ika-upat sa nag -unang pinakadaghan nga nibista sa Pilipinas sa niaging tuig.
Ang MCIA maoy gikonsiderar nga ikaduha sa pinakadako ug pinaka-busy nga airport sa nasud. — IBM (BANATNEWS)
- Latest
