Singil sa kuryente mosaka og P0.03 sentimos

CEBU, Philippines — Makasinati og P0.03  sentimos nga pag-usbaw kada kWh ang residential  customers sa  Visayan Electric  sa ilang Abril- May billing tungod sa gamay nga pagtaas sa transmission rates sa  National Grid Corporation of the Philippines (NGCP) . Ang pag-usbaw nagdala sa kinatibuk-ang average rate sa residential customers gikan sa P14.25 kada kWh sa miaging buwan ngadto sa P14.28 matag kWh.

Kini nagpasabot nga ang usa ka tipikal nga panimalay nga nagakonsumo sa labing menos 200 kWh matag buwan kinahanglang mobayad og dugang P6.00 alang sa buwan sa Mayo.

Ang maong electric utility firm nagpahinumdom sa ilang mga kostumer nga bisan pa sa gamay nga pagtaas sa  residential rates, kinahanglan gyud  mahuna-huba gyud sa paggamit sa elektrisidad ilabi na nga panahon karon sa dry season. Gipasabot ni Visayan Electric President ug Chief Operating Officer Raul C. Lucero nga base sa historical data, ang konsumo sa elektrisidad kasagarang motaas sa panahon sa ting-init, o mas sagad nga gitawag nga mga bulan sa ting-init, tungod kay ang mga tawo lagmit nga mogamit sa makapabugnaw nga mga appliances sama sa mga air conditioner.

“Mindful use of electricity is still the key to avoid bill shock. We should be smart when it comes to using our cooling appliances so that we can manage our electricity consumption, manage our bill, and help ensure a stable supply of electricity, as well,” suma pa niya. Sayo ning tuiga, ang Department of Energy (DOE) nipagawas na og pasidaan nga posibleng adunay "power supply concerns" sa Visayas grid sa panahon sa ting-init tungod sa taas nga panginahanglan sa kuryente uban sa dugang nga paggamit sa air conditioning ug uban pang makapabugnaw nga gamit..

Gpahinumdoman ni Lucero sa mga kustomer sa Visayan Electric nga magmatngon sa paggamit ug pagdaginot sa kuryente pinaagi sa pagsiguro nga ang mga appliances nga wala gigamit gipalong ug gitangtang sa plug. (BANAT NEWS)