Kasapaan sa siyudad sa sugbo panindoton
CEBU, Philippines — Sugdan karong buwana ang pagpalambo sa kasapaan ug magsilbing usa kini sa mga atraksyon sa Dakbayan sa Sugbo.
Suma pa sa chairmam sa Sugbo Bike Lanes Board nga si Atty. Gerry Carillo nga ilang padalhan og notisya kadtong nakababag sa kasapaan.
Kabahin kini sa subsub nga kampanya sa Siyudad sa Sugbo alang sa pagbawi sa 3-meter easement.
Ang pilot episode niini mao ang diha sa Bulacao River ug usa plano mao ang pagbutang og bike lanes sa area.
Samtang diha sa Estero Parian, ang konsepto sa pagpalambo sa maong lugar mao ang susama sa Venice sa nasud sa Italy nga kun mahuman butangan usab kini og mga Bangka nga sama gyud sa Venice.
Sa higayon nga mawala na ang illegal nga estruktura, makasulod na ang heavy equipment alang sa pagpanindot sa sapa.
Matud ni Atty Jerone Castillo, co-chairman sa Gubat sa Baha Task Force nga mag-agi og biddding karong semanaha ang pagahimoon nga temporary shelter diin anhi mamuyo ang maapektohan sa clearing operations.
Ang SBLB usa pud karon sa nag-abag sa Oplan Three-meter Easement. Sa higayon nga malimpyo na ang mga sapa, butangan kini og mga water treatment facility isip dugang tinubdan sa tubig sa katawhan. — MEL (BANATNEWS)
- Latest
