CLO sa Mandaue misuroy sa mga departamento sa siyudad

CEBU, Philippines — Gibisita sa City Legal Office ang nagkadaiyang departamento sa Mandaue City Hall sa tinguha nga mahatagan kini og legal nga ayuda.

Nasayran kining maong programa gipatuman ubos sa pagngulo ni Atty John Eddu Ibañez ang city legal officer sa dakbayan.

Suma pa ni Atty. Yabañez nga apil sa legal aid nga ilang gihatag mao ang pag-review sa mga kontrata ingon man ang pagpatuman sa rules and regulations pinasubay sa gipatuman nga mga ordinansa.

Apil sa ilang gibisita mao ang Traffic Enforcement Agency of Mandaue (TEAM) diin sila mihatag og mga tambag kabahin sa pagpanakop, pag impound og mga sakyanan ug uban pa.

Giklaro usab ni Atty. Ibañez nga ang ilang buhatan motrabaho usab aron pag-abag sa mga department heads sa matag legal nga problema nga giatubang sa ilang departamento.

Sa ingon niini nga paagi hayan maminusan ang mga kaso nga isang-at sa korte batok sa kagamhanan sa siyudad. (BANAT NEWS)