National Tourism Development Plan nahuman na

CEBU, Philippines —  Pormal na nga giaunsiyo ni Tourism Secretary Christina Garcia Frasco nga nahuman na ang National Tourism Development Plan (NTDP) 2023 -2028 atol sa Tourism Stakeholders’ National Summit nga gipasiugdahan sa Department of Tourism (DOT) niining ulahi lang.

Namulong atubangan sa 350 ka nanambong gikan sa mga ahensiya sa nasudnong kagamhanan, local government units (LGUs), asosasyon ug organisasyon gikan sa sektor sa turismo nga nipuno sa venue hall sa Sheraton Manila Bay, si Secretary Frasco nipresentar sa mga importanteng punto sa NTDP 2023-2028, usa ka draft diin unang gitan-aw atol sa Tourism Coordinating Council (TCC) meeting nga gipatawag sa kadagkoan sa turismo.

“This NTDP will serve as a blueprint for the strategies on how the Department of Tourism intends to continue and to grow the impact of tourism upon our economy in the next few years. This will be the guidebook of the industry where we put in place mechanisms for sustainability for many, many years to come”, matud ni Frasco.

Magsilbi usab ang NTDP nga giya padulong sa industriya sa turismo nga innovative, inclusive, ug globally competitive.

Pinaagi sa mga lapad nga lakang mahimo kini nga instrumento alang sa pag-transform sa Pilipinas isip tourism powerhouse sa Asya. Gi-report sa kalihim sa turismo nga ang 2022 usa ka mabungahon nga tuig alang sa industriya sa turismo sa Pilipinas diin nakakuha kini og international arrivals nga  2.65 milyones diin nilabaw kini sa initial nga target nga 1.7 milyon nga foreign visitors.

Ang maong gidaghanon nakahatag og P214 billion o US$4 billionnga gibana-banang revenues.

“The momentum for recovery and growth has begun. We’ve eased restrictions. We’ve continued to aggressively promote our destinations through the DOT’s constant and unyielding presence in various exhibits in the Philippines and all over the world. And people are traveling now, and are traveling with a vengeance”, ni Frasco pa.

Gawas sa opisyales sa DOT regional offices nitambong usab sa Tourism Stakeholders' National Summit isip pagpakita sa suporta sa turismo sa Pilipinas ang mga lider ug representante gikan sa national ug lokal nga ahensiya sa gobiyerno lakip ang Department of Finance (DOF), Philippine Statistics. Authority (PSA), Senate Economic Planning Office, League of Municipalities of the Philippines (LMP), Maritime Industry Authority - Philippines, Bangsamoro Autonomous Region in Muslim Mindanao (BARMM) - Ministry of Trade Investments and Tourism, ug National Museum of the Philippines (NMP). — BDB (BANATNEWS)