LLCPO walay nakuhang kontrabando gikan sa LLCJ
CEBU, Philippines — Negatibo sa mga kontrabando o ilegal nga mga butang ang sulod sa Lapu-Lapu City Jail sa ikatulong higayon nga greyhound operation nga gipahigayon sa Lapu-Lapu City Police Office (LLCPO) niadtong Pebrero 26, 20223.
Si Police Colonel Elmer Lim, director sa LLCPO nagkanayon nga ilang gisiksik ang sulod sa mga selda sa maong bilanggoan ug wala sila’y nakuha nga ilegal nga mga butang sama sa shabu, armas ug uban pa nga mga kontrabando.
Matud ni Lim nga ang nakuha lang nila atol sa operasyon mga hanger nga ilang gihipos ug gisumitir ngadto sa mga kadagkoan sa mga personnel LLCJ.
Ang unang greyhound operation nga gipahigayon sa LLCPO niadtong Nobiyembre 2022 ug ang ikaduha nadtong Enero 2023 diin walay mga kontrabando usab ang nakuha.
Dugang ni Lim nga gumikan sa tulo ka higayon nga negatibo ang LLCJ sa mga kontrabando kini mahimo na nga makadawat og certification gikan sa ulohan nga buhatan sa Bureau of Jail Management and Penology. (BANATNEWS)
- Latest
