Ordinansa vs paghatag og limos, pangusgana

CEBU, Philippines — Office sa miyembro sa Anti-Mendicancy Board nga gipangulohan ni Dr. Lucille Mercado diin uban nila ang Prevention, Restoration, Order, Beautification, Enhancement(PROBE), Cebu City Transportation Office ug uban pa.

Una niiini, ang Anti-Mendicancy Board sa Cebu City miawhag sa mga tawo nga dili manghatag og limos sa kadalanan sanglit hingusgan na nila ang pagpatuman sa Ordinance 1631 nga nagdili sa mga mendicancy sa dakbayan.

Ang maong ordinansa nag-exist na niadtong pang 1996 apan dili consistent ang implementasyon niini.

Subay na sa tinguha ni Mayor Michael Rama nga masusama sa Singapore ang Cebu City kinahanglan sab sulbaron ang problema sa mendicancy hinungdan sugod kagahapon ang mga opisyales sa anti-mendicancy board nagsugod na sa subsob nga operasyon batok sa mga mendicants ingon man sa mga manghatag og cash o kinds ngadto nila.

Nunot niini, si Cebu City Police Office Director Col. Ireneo Dalogdog miasoy nga ang papel sa kapulisan mao ang paghatag og security assistance atol sa pagpatuman sa City Ordinance 1631 o Anti-Mendicancy Ordinance in the City.

“Kay sa una man gud kanang naa ni sila’y mag conduct og operation o mag-implement sila aning City Ordinance ang katong pangdakpon dili motuo kay dili man mahadlok sa ilaha so karon ning pasok ang police para diha-diha dayon ang kining mga dakpunon dili mag-dumili mosunod sila og unsay ginapatupad nga baload,” matud ni Dalogdog.

Pahimangno ni Dalogdog sa mga maglaroy-laroy sa kadalanan nga mangayo nga hugot gyud ang pagpatuman sa Kagamhanan sa siyudad sa Sugbo sa balaod ug aron dili madakpan dili nalang manglimos diha sa kadalanan. — /IBM (BANAT NEWS)