P800 mil kantidad sa mga alahas nga nadala sa mga kawatan
CEBU, Philippines — Gikompirma sa kapolisan sa Lapu-Lapu City Police Office (LLCPO) ang nahitabong pagpangawat sa mga alahas nga nikabat ngadto sa P800,000 ang kantidad gikan sa usa ka jewelry store nga nahimutang diha sa sulod sa usa ka mall sa Barangay Basak, Siyudad sa Lapu-Lapu.
Si Police Major Karen Bancoleta, hepe sa Presinto 4 sa LLCPO nagkanayon nga ang pagpangawat namatikdan kini nga nahitabo niadtong sa Martes sa hapon.
Matud ni Bancoleta nga gilangkuban sa upat ka tawo ang maong mga kawatan kinsa duha niini mga babaye.
Kasamtangan karong gisusi sa kapolisan sa siyudad ang footage sa mga Close Circuit Television (CCT)V camera diha sa mga establisamento sa maong dapit.
Nunot niini, giawhag ni Bancoleta ang mga molupyo sa siyudad sa pagtaho dayon diha sa ilang buhatan niadtong nagbaton og kasayoran kalabot sa maong pagpangawat. (BANATNEWS)
- Latest
