Wa pay pagsaka sa presyo sa kandila

CEBU, Philippines — Wala pay namatikdang pagsaka sa presyo sa mga baligya nga kandila sa Barangay Calajoan, Lungsod sa Minglanilla bisan pa man ug halos nisaka na tanan ang mga palaliton. Kini ang gitug-an ni Marchell Badayos, tag-iya sa Jeckoy Store nga namuhat ug naninda og mga kandila nga nahinabi sa Banat News.

Matud pa ni Badayos, wala silay pagsaka sa presyo sa ilang mga kandila bisan ug nisaka ang presyo kay aron lang makapalit lang gihapon ang mga mamalitay ug kandila nga sarang gamit kaayo ilabi na nga nagsingabot na ang kalag-kalag. Sumala pa ni Badayos, inay magpasaka sila sa presyo ilaha nalang gi adjust ang gidak-on sa ilang mga kandila aron kaya ra gihapon kini sa bulsa sa mga mamalitay.

Dugang pa ni Badayos, mas arangan karon tuiga kung ikumparar sa nanglabay nga tuig tungod kay karon pa lang aduna na may ubay-ubay nga mamalitay ug nihalin-halin na usab sila.

Gitug-an ni Badayos, ang mga suki nila ug kandila kang nang order na usab gikan sa lain-lain lugar ug susama na nga nibalik na hinay-hinay ang ilang ekonomiya sa mga manindahay og kandila. Si Badayos, malaumon lang nga ning panahon  sa kalag-kalag bukas lang ang mga sam-ang bahala ug walay overnight aron mokita ang mga manindahay ug kandila ug aduna na usab mapalit ug pamugas ang uban. (BANATNEWS)