146 ka mayor nga sakop sa PCL magtagbo sa Sugbo

CEBU, Philippines — Gikatakda nga magtagbo sa Siyudad sa Sugbo ang 146 ka mayor nga sakop sa League of  Cities of the Philippines (LCP) alang sa tulo ka adlaw nga convergence ug strategic planning workshop sa sunod semana.

Isip napili nga presidente sa LCP sentro sa plano ni Mayor Michael Rama ang paghiusa sa mga sakop niini ilabi na sa pagpatigbabaw sa iyang tumong nga “Singapore-like” city ngadto sa tanang siyudad sa Pilipinas.

Base sa taho sa City Public Information Office nga kini ang unang higayon nga

magtapok ang tanang 146 LCP members diin ang kalihokan ipahigayon diha sa usa ka dakongm hotel sa Sugbo karong Agosto 16 hangtud 18, 2022.

Dul-an sa 1,000 ka tawo ang gikatakdang moanhi sa siyudad gumikan kay gawas sa mga mayor motambong usab ang ilang department heads, chief of staffs, ug uban pa nga mo apil sa maong tigom. Ilang hisgotan ang pagpatuman sa Executive Order (EO) No. 138 ug ang epekto niini sa paghatud sa mga batakang serbisyo sa gobiyerno sa local government units.

Ang EO 138 naghatag og devolution sa pipila ka mga gimbuhaton sa executive branch sa nasudnong gobiyerno ngadto sa mga LGU.

Motambong usab si Manny Pangilinan, business tycoon, ug Atty. Josephus Jimenez aron ipaambit ang kamahinungdanon sa Public-Private Partnerships (PPPs).

Nasayran nga motambong usab sa maong tigom sila si Department of Interior and Local

Government (DILG) Secretary Benjamin Abalos, Department of Budget and Management (DBM)

Secretary Amenah Pangandaman ug Department of Social Welfare and Development (DSWS) Secretary Erwin Tulfo.

Adunay ipahigayong tour sa ikatulo ka adlaw alang sa LCP members sa dili pa motapos sa panagtapok.

Sa laing bahin, usa ra ka slate ang nilansar isip mga opisyal sa Philippine Councilor’s League (PCP-Cebu) Province Chapter alang sa eleksiyon karong adlawa diha sa Waterfront Cebu City Hotel and Casino.

Ang slate lang ni Toledo City Councilor Ricardo “Kuya Nick” Pepito ang niduso sa ilang kandidatura hangtud niadtong Agosto 9, 2022.

Si Pepito nilansar pagka-presidente sa PCL-Cebu Province ug ubos sa iyang slate mao sila si  Mandaue City Councilor Marie Immaline Cortes-Zafra isip vice president, Dumanjug Councilor Stanley Aldemita isip secretary-general, Tabogon Councilor Jojessa Hortelano isip treasurer, San Remigio Councilor Jay Olivar isip auditor, Liloan Councilor Chary Cañete

isip PRO ug Pinamungajan Councilor Marvin Miralles isip business manager. Ubos sa board of directors mao sila si Tuburan Councilor Lorenz Lagon, Medellin

Councilor Harold Salimbangon, Alcoy Councilor Jonathan Abajon, Argao Councilor Jonathan Villegas, Madridejos Councilor Vince Cyrus Rebadomia, Minglanilla Councilor Jay-R dela Calzada, Toledo City Councilor Amiboy Perales ug Poro Councilor Ashley Otadoy.

Ang ubang miyembro sa BOD nga i-appoint sa presidente mao sila si Consolacion Councilor Ingking Villo ug Balamban Councilor Rhodessa Paulin.

Si Pepito maoy giendorso nila ni Gobernador Gwendolyn Garcia ug Kongresista Pablo John “PJ” Garcia.  —Thea Sophia M. Disabelle, UV Intern (BANAT NEWS)