EO ni Suan nagdili lang sa pagtukod og bag-ong floating cottages
CEBU, Philippines — Way floating cottages diha sa lungsod sa Cordova nga gisirad-an human sa executive order nga giluwatan ni Cordova Mayor Cesar “Didoy” Suan.
Kini ang katin-awan nga gipadangat sa mayor ug siya miingon nga ang EO nagdili lamang sa pagtukod og bag-ong floating ug fixed cottages nga nagsubay o haduol sa baybayon sa lungsod.
Sa nasayran si mayor Suan sa iyang EO mipahimangno nga gidili na ang pagtukod og bag-ong floating cottages ug dili na kini isyuhan og business permit.
“For humanitarian reasons, walay pa kitay gipaclose nga floating cottages o gipatawag nga mga violators. Ang ako lang panawagan nga sa kadtong magpalusot og operate ug floating cottages taliwala sa atong Executive Order, I’ll make sure di mo mahatagan og business permit,” Suan said.
Niadtong Domingo nihimo og surprise inspection ang mayor sa mga gloating cottage aron pagsusi kun nituman ba kini sa pagbutang og mga portable toilets sa ilang mga cottages.
Namatikdan ni Mayor Suan nga ang ubang mga portalets nga gibutang sa mga floating cottages gagmay ra kaayo ug dili paigo sa daghang customers.
Dugang pa niya nga tungod sa mga tawhanon nga hinungdan wala kini mosirado sa mga natukod na nga floating restaurant ug mga cottages ug gi-awhag lamang niya ang mga nagdumala sa maong mga patigayon sa pagbaton gayod og mga pansayan sama sa portable toilet. MEL (BANATNEWS)
- Latest
