P21 milyones pundo gitunol ni Frasco sa mga pribadong tambalanan
CEBU, Philippines — Si Cebu Fifth District Representative Vincent Franco “Duke” Frasco nitunol og kapin P21 milyones nga medical assistance funds sa tulo ka pribadong tambalanan ubos sa Department of Health-Medical Assistance for Indigent Patients (DOH-MAIP) Funds alang sa Fiscal Year 2022.
Ang gitunolan sa maong pundo mao ang Mendero Medical Center P10 milyones), P6 milyones sa Cebu Doctors’ University Hospital ug P5 milyones para sa Perpetual Succour Hospital, ang tulo pulos DOH accredited hospitals sa Sugbu.Gawas sa gitunok nga tseke, nipirma sab si Frasco sa memorandum of agreement sa maong mga pribadong tambalanan aron ma-download ang budget niini para sa mga kabus nga pasyenteng taga fifth district.
Matud pa nga prayoridad ni Frasco ang iyang mga konstituwente isip ilang representante sa kongreso ilabi na karon nga duna pay pandemiya.
Isip vice chairperson sa House Committee on Appropriations, si Frasco nakatampo sa pagpasar sa P242 bilyones nga budget sa DOH gikan sa P5.024 trilyones nga General Appropriations Act of 2022.—IBM (BANATNEWS)
- Latest
