LLCPO nagpahigayon og information drive sa eleksiyon

CEBU, Philippines — Nagpadayon karon ang mga sakop sa kapolisan sa Presinto 3 sa Lapu-Lapu City Police Office (LLCPO) sa ilang paghatag og tukmang kasayoran sa umaabot nga lokal ug national election.

Ang Presintp 3 nga gipangulohan sa ilang hepe nga si Police Major Narsiso Abapo ang nagpahigayon sa ilang information drive sa umaabot nga piniliay pinaagi  sa pagpasabot sa mga tawo sa ilang mga katungod  sa pagbotar.

Nag-apod-apod usab sila og flyers ngadto sa mga Oponganon nga ubos sa ilang area of responsibility.

Ang maong flyers naghisgot gihapon kalabot sa national ug lokal nga piniliay sa Mayo 9, 2022. BDB (BANATNEWS)