Mga tikasan nga vendors sa merkado sa Tabunok pasakaan og kaso
CEBU, Philippines — Gidasig ni Engr. Arnie dela Torre, kinsa maoy consultant sa merkado sa Tabunok ang katawhan nga moreport gilayon sa ilang buhatan batok sa mga tindera ug tindero nga mga tikasan.
Kini aron mapitol ang mga tikasan og mapasakaan og kaso aron maputol ang ilang binuang diha sa merkado nga nakapekto sa mga pumapalit.
Suma pa ni dela Torre nga niadtong miaging semana nakadawat sila og reklamo gikan sa usa ka kunsumidor nga kuwang ang timbang sa iyang gipalit nga isda.
Nagkanayon si dela Torre nga ang pagpangilad o pagpamentaha usa sa mga rason nga mahimong matangtangan ang manindahay og prebilihiyo sa pagpaninda.
Sa iyang pagpakig estorya sa mga manindahay atol sa ilang tigum iyang gipasabot nga makadaot sa mamaligyaay ang ilang gibuhat nga mahimo pa nga maka among sa uban nga nagtinarong sa ilang negosyo. MEL (BANATNEWS)
- Latest
