Duha ka buwangan maka-operate na

CEBU, Philippines — Gipahibawo ni Cebu City Councilor Joel Garganera, pangulo sa Emergency Operations Center Cebu City nga duha ka buwangan dinhi sa siyudad sa Sugbo mamahimo nga makabalik og operate.

Sa post ni Garganera sa iyahang official Facebook account magduha ka tuig nga nanirado ang mga buwangan ug karon nahan-ay na ang implementing measures and safety protocols mamahimo na unya silang makaabli.

Ang operasyon sa maong mga establisamento gitugutan ubos sa Alert level 1, ang Cebu City nabutang na sa maong klasipikasyon sugod niadtong Marso 16 hantod sa petsa 31.

Nasayran nga sila si Yon Chiongbian sa Grand Tejero Cockpit Arena ug Liman Borja sa Carlock Cockpit Arena ug Garganera nagtigum kun diin gipahinumduman sila sa pag-obserbar sa minimum health protocols.

Sigon ni Garganera ang cockpit operators miinsister nga kadto lang fully vaccinated maoy tugotan nilang makasulod.

Apan sa dili pa mobalik ilang operasyon dunay himuong inspeksyon sa mga pasilidad. —IBM (BANATNEWS)