POI sa kamatayon ni Fernandez nipatim-aw na
CEBU, Philippines — Nakig-alayon na sa kapolisan ang gitumbok nga person of interest sa kamatayon ni Atty. Rex Fernandez.
Ang nahisgutang POI mao si Rosinda Acot, real estate agent nipatim-aw kini human gipanawagan aron makuhaan ug mga pamahayag.
Kini ang gibutyag ni Police Lieutenant Colonel Wilbert Parilla, deputy director for operations sa Cebu City Police Office.
Gibutyag ni Parilla nga si Acot nihatag na kini sa iyang pamahayag ngadto sa nag-imbestigar sa kaso ug gi-finalize na kini aron ipresentar karong adlawa sa ikaduhang panagtagbo sa Special Investigations Task Group Fernandez.
Gi-turnover na usab ni Acot ang cellphone ug pitaka ni Fernandez diin base sa pangangkon niini gi-safety lang niya ang maong mga butang tungod kay daghan na ang mga tawo.
Matud ni Parilla nga ipaubos sa pakisusi ang cellphone ni Fernandez.
Dugang ni Parilla nga dako og tabang ang pagpatim-aw ni Acot sa imbestigasyon nga gihimo sa SITG kabahin sa kamatayon ni Fernandez. —BDB (BANATNEWS)
- Latest
