VECO midasig sa mga konsumidor sa pagbayad online
CEBU, Philippines — Gidasig sa Visayan Electric Company (Veco) ang ilang mga konsumidor nga adto mobayad sa ilang mga bill pinaagi sa ilang mga partner nga online applications, bangko ug uban pa aron maseguro ang ilang kaluwasan ug dili ma-expose sa daghang tawo.
Kini aron malikay ang mga tawo sa hulga sa COVID19.
Matud pa sa reputation enhancement manager sa VECO nga si Queenie Bronce nga gawas sa kaluwasan sa mga tawo , dili napud sila maghago nga moadto sa ilang mga service center.
Matud pa niya nga sa panahon karon, gamit kaayo ang online nga pamaagi sa pagbayad.
Hinuon alang sa walay online application, ubay-ubay rapud ang ilang mga partner nga tindahan sama sa pipila ka convenience store diin mahimong mobayad sa bill sa VECO.
Nagkanayon si Bronce nga hugot ang gipatuman nila nga physical distancing sa ilang mga service center busa makatabang sa pagpaluag sa area kun ang ubang konsumidor adto na mobayad sa mga partner nila mga online applications ug tindahan.
“Mas luwas sila sa maong paagi kay dili naman sila kinahanglan nga mogawas pa ug dili pud sila mahago,” matud pa ni Bronce.
Dugang pa niya nga ang maong mga pamaagi pipila lang sa daghan nila nga kontribusyon sa kampanya sa pakigbatok sa COVID-19. MEL (BANATNEWS)
- Latest
