Pista sa Birhen sa Regla hugot nga bantayan

CEBU, Philippines — Gimando ni Mayor Junard  Ahong Chan ngadto sa kapolisan sa Lapu-Lapu City Police Office (LCPO) ang hugot nga pagbantay  sa mga molopyo  sa pagsaulog sa tinuig nga pangilin sa Birhen sa Regla, ang patron sa  Dakbayan sa Lapu-Lapu karong Sabado ug Domingo  Nobiyembre 20 ug 21, 2020.

Matud pa ni Mayor Chan nga ang maong lakang gitumong aron pagsiguro nga kalikayan ang pagkatap sa COVID-19 bisan pa sa pagkunhod sa gidaghanon sa gitakboyan niini.

Gihangyo sa mayor ang mga Oponganon nga dili lang manapit og mga bisita atol sa pista aron malikayan ang pagdagsa mga tawo gikan sa laing lugar.

Si Police Colonel Arnel  Banzon nga maoy direktor sa CPPO miingon nga dugang sakop sa kapolisan ang ilang ipakatap sa pagbantay sanglit abagan usab sila sa kapolisan gikan sa Police Regional Office (PRO) 7 nga magsilbing augmentation force. —MEL (BANATNEWS)