Fort San Pedro P100 lang ang kita matag adlaw
CEBU, Philippines — Kapin lang sa P100 ang kita matag adlaw sa Fort San Pedro gumikan sa kamingaw na niini o diyotay lang kaayo ang mobisita diha sa maong lugar.
Ang Fort San Pedro kapin sa usa ka buwan na kining subli nga gibuksan sa publiko.
Si Erwin dela Cerna, executive director sa Fort San Pedro nagkanayon nga sa karong panahona wala pay mga langyaw nga turista ug mga estudyante kinsa kasagarang mobisita sa lugar.
Sayo pa, sulod sa unom ka buwan temporaryong gisirado ang Fort San Pedro tungod sa pandemiya.
Sa wala pa ang pandemiya gatosan ngadto sa liboan ka tawo ang mobisita diha sa lugar.
Ang maong tourist site natukod kini niadtong tuig 1565 panahon pa sa mga Katsila. Ang Fort San Pedro nahimo usab kini nga paboritong venue sa mga magpakasal. /BDB (BANATNEWS)
- Latest
