Mayor Chan nanghuwam og declogger truck sa Mandaue aron masulbad ang baha

CEBU, Philippines — Mapasalamaton si Lapu-lapu City  Mayor Junard  Ahong Chan sa mga opisyal  sa kagamhanan  sa Dakbayan sa Mandaue nga gipangulohan  ni Mayor Jonas Cortes sa pagpahulam  sa ilang declogger truck  nga maoy nakatabang pagsulbad sa nasinati nga pagbaha sa ilang syudad.

Gitataw  niya nga ang pagtinabangay maoy usa sa gikinahanglan aron masulbad ang suliran nga masinate sa matag dapit.

Si  Mayor Chan miingon nga ang depektoso kaayo nga  drainage system ug pag-divert sa dagan sa tubig ngadto sa mga gagmay nga kanal maoy iyang nakita nga hinungdan sa nasinati nga pagbaha sa duha  ka mga sitio sa Barangay Basak.

“Palpak na daan ang paghimo sa drainage, ang drainage outfall  sa creek  is below the seawater level” segun ni Mayor Chan .

“We need to construct again new drainage, wa’ pa tay kwarta karong panahona, we will discuss this with our city engineer pilay magasto,” dugang pa niya. Si Mayor Chan miingon nga posibleng hinungdan usab sa pagbaha mao ang fishpond nga giabunohan og anapog nga way pagtugot sa kagamhanan sa syudad. /MEL (BANATNEWS)