PRO-7 nagtinguha nga ang GCQ karon mahimong MGCQ

CEBU, Philippines — Gitinguha sa Police Regional Office 7 nga mamahimng ipaubos na sa modified general community quarantine ang ubang lungsod sa Probinsiya sa Sugbo nga kasamtangang anaa sa general community quarantine.

Matud ni PRO-7 director, Police Brigadier General Albert Ferro, nga sa pagkakaron ang Dakbayan sa Talisay, Lungsod sa Consolacion ug Minglanilla ang kasamtangan nga gipaubos og GCQ tungod sa nagsaka ang kaso sa COVID-19.  Apan hapit na sab magp-usa ka buwan nihinayp-hinay na og minus ang kaso sa tulo ka lugar uban sa pagkunhod sab sa kaso sa Dakbayan sa Sugbo, Lapu-Lapu ug Mandaue.

Nanigkamot ang kapolisan ug gobiyerno sa Central Visayas nga mokunhod pa gyud ang kaso ug moubos na sa MGCQ ang tibuok Central Visayas.

Gipasabot sab ni Ferro nga sa maong tumong ug tinguha nagkinahanglan sab kini sa kooperasyon ug hinay hinay nga mosunod sa tanan nga mga mando sa gobiyerno aron nga makuha ang ubos pa nga status ug mabalik sa normal ang tibuok Central Visayas.

Sa pagkakaron ang Probinsiya sa Bohol, Siquijor, Negros Oriental ug Sugbo anaa na sa MGCQ apan ang mga highly-urbanized cities ang anaa pa sa GCQ. /GMR (BANATNEWS)