Mobiyahe nga bus sa probinsiya pakuhaon og special permit
CEBU, Philippines — Sobra na sa 100 ka bus ang nahatagan na og special permit sa Land Transportation Franchising and Regulatory Board nga makabiyahe sa mga lugar nga ubos sa General Community Quarantine sa Central Visayas.
Matud ni LTFRB-7 Assistant Regional Director Rey Elnar nga 500 ka units sa bus lang ang ilang hatagan og special permit sa tibuok rehiyon.
Ang mga operator nga gustong mopadagan sa ilang mga sakyanan kinahanglang mokuha og special permit sa LTFRB-7 ug vehicle pass sa Kapitolyo.
Ang LTFRB-7 nipahibawo sab nga kadtong mga public utility vehicles nga mobiyahe panahon sa GCQ mahimo nga ipadala ang application sa special permit sa [email protected].
Samtang gitugutan sab sa LTFRB-7 ang P11 nga plite sa unang lima ka kilometro ug P1.85 alang sa matag mosunod nga kilometro. /GMR (BANATNEWS)
- Latest
