Mga dili residente sa Liloan pweding masulod sa lungsod

CEBU, Philippines — Sugod karong adlawa mopatuman na og market day and banking day ang lokal nga kagamhanan sa Lungsod sa Liloan alang sa mga dili residente sa maong lungsod.

Ang mga non-residents sa Liloan mamahimong makasulod sa lungsod sa pili nga adlaw.

Ubos sa Executive Order No. 2020-10 ni Mayor Christina Frasco ang mga dili residente sa Liloan makaadto sa groceries, supermarkets, public market ug pharmacy sa adlaw nga Lunes ug Miyerkules.

Samtang ang mga moadto sa mga bangko, financial ug lending institutions lakip sa mga sa money transfer facilities makasulod ra sa lungsod sa adlaw nga Miyerkules ug Huwebes.

“Non-residents who wish to enter the territorial jurisdiction of Liloan shall present the quarantine pass issued by their respective local government units and a valid identification card at all designated checkpoints within the municipality”, tipik sa EO ni Frasco diin  epektibo kini karong adlawa. Ang mga dili residente sa lungsod kinahanglan kining magsul-ob og face mask, motuman sa physical distancing ug mosunod sa protocols subay sa gipatuman nga enhanced community quarantine (ECQ) sa lungsod.

Ang dili mosunod sa protocol dili usab kini makasulod sa mga establesamento nga adtoan niini diha sa lungsod.

“The Municipality of Liloan reserves the right to refuse to any person who fail to comply with any of the foregoing”, laing tipik sa EO. /BDB (BANATNEWS)