Polis nanglugos?

CEBU, Philippines — Gitanggong sa Liloan Police Station ang usa ka polis nga gipasanginlang milugos  sa iyang katabang sa sulod sa ilang panimalay sa usa sa mga barangay diha sa Lungsod sa Liloan.

Si Police Colonel Rhoderick Mariano nga maoy  direktor sa Cebu Provincial Police  Office (CPPO) miingon nga kasamtangan pa nilang gihimo ang imbestigasyon sa pagsuta sa tinuod nga nahitabo.

Dugang pa niya nga ang biktima kang kansang pangalan  ilang gipugngan nag-edad og 17 anyos.

Apan sa pagkakaron miluwat kini og managlahi nga pamahayag maong ilaha unang huwaton nga mokalma kini aron maklaro ang iyang alegasyon.

Kini maoy gibutyag ni CPPO Director Police Colonel Rhoderick Mariano human nga gitangong sa prisohan sa Liloan Police Station si Police Master Sergeant Arthur Sabang kinsa na nadestino sa Compostela Police Station.

Gisulayan og kuha sa habig sa tigbalita si Sabang apan magdumili kini paghatag sa iyang pamahayag bahin sa maong pasangil.

Ang biktima ipaubos  pa sa medical checkup sa pagsuporta  sa kaso nga ipasaka batok sa maong polis. /IBM (BANATNEWS)