Mayor Chan misaad masilotan ang nagwang-wang sa viral video

CEBU, Philippines — Mayor Junard “Ahong” Chan sa Dakbayan sa Lapu-Lapu nasagmuyo sa vira video bahin sa pribadong sakyanan nga nigamit og wang-wang aron dili ma late sa exams nga giingong nahitabo sa Dakbayan sa Lapu-Lapu.

Matud pa ni Chan, isip mayor sa dakbayan iyang gikondenar ang maong hitabo ug giawhag niya ang Land Transportation Office nga mohimo og imbestigasyon aron mailhan ug mapahamtangan og silot ang traffic violator.

Misaad si Chan iyang suportahan ang LTO sa pagpangita sa kamatuoran kay dili kini gusting adunay mga abusado bisan pa og ang nalambigit iyang mga higala o sakop sa pamilya.

“My administration will not tolerate such abuse whether it involves a friend or a family member. We hope to get to the bottom of this very soon,” matud pa sa mayor.

Ang kadagkoan sa LTO7 nga gipangulohan ni Director Victor Caindec nihimo na sa ilang imbestigasyon aron sa pag-ila sa mga sakay ug driver sa maong sakyanan.

Sa viral video giingong nagdali ang mga sakay nga mga tinun-an aron dili mauwahi sa exams. /IBM (BANATNEWS)