P8.2 bilyones target sa 2019 nakolekta sa siyudad

CEBU, Philippines — Nakuha sa kagamhanan sa Siyudad sa Sugbo ang target nga koleksyon sa buhis nga P8.2 bilyones alang sa 2019.

Si Attorney Jerone Castillo, officer-in-charge sa City Treasure’s Office, nagkanayon nga nakakuha sila og 100 porsyento sa ilang target figure.

“Last year, our expected income was P8.2 billion, that’s for 2019. Amo gyud gi-monitor, we got P8.2 as well, we achieved 100 percent based on gross,” matud ni Castillo.

Naglakip na kini sa mga tax revenues, business tax, real estate tax, ug uban pang mga tax ug permits.

Gipasabot ni Castillo nga alang sa 2020, gitakda nila ang P8.9 bilyones nga target. “We will be projecting P8.9 billion on regular income. We will try our best to get that one, kay the more expenses we have for the city, we also have to provide the necessary income to support our programs,” matud ni Castillo.

Sa unang lima ka buwan sa 2019, ang siyudad nakakolekta og P1.36 bilyones nga buhis sa negosyo, P785 milyones sa real estate tax, P134 milyones sa ubang buhis, ug P1.2 bilyones sa ubang tinubdan gikan sa Enero hangtud Mayo.

Oktubre 2019, ang kinatibuk-ang nakolekta nga buhis niabot sa P7.4 bilyones.

Tungod niini, gidayeg ni Castillo ang mga empleyado sa CTO.

“They have given so much sacrifice for the sake of the city, so hands-off to all the staff of treasury for doing their jobs,” matud niya. /GMR (BANATNEWS)