15 ka punoan sa kahoy putlon alang sa flood control project
CEBU, Philippines – Labing minus 15 ka punoan sa kahoy ang putlon sa daplin sa sa Tejero Creek ug Lahug River sa Siyudad sa Sugbo isip kabahin sa mga proyekto sa pagkontrol sa baha sa Department of Public Works and Highways.
Ang mopatuman sa P218 milyones nga proyekto mao ang Unified Project Management Office-Flood Control Management Cluster (UPMO-FCMC).
Ang proyekto naglakip sa pagpalapad sa suba ug pagkubkob aron pagpalawom niini.
Matud ni Konsehal Jerry Guardo, chairman sa committee on infrastructure, nga ang UPMO-FCMC nag-aplay na og permit alang sa pagputol sa mga apektadong kahoy niadtong Hunyo 28, 2019 sa Department of Environment and Natural Resources ug Community Environmental ug Natural Resources Office.
Ang Sangguniang Panlungsod mopasar og resolusyon sa pag-endurso aplikasyon ngadto sa DENR ug CENRO.
"DPWH is asking for a cutting permit, and I am also appealing to the council na ma apruhbahan ni na project kay ultimately ang objective ani kay masulbad ang flooding sa Colon, sa downtown area," matud ni Guardo. Gipasabot ni Guardo nga nagpahigayon sila og ocular inspection ug nakita nga adunay pipila ka punoan sa kahoy nga nakagamot sa mga pangpang sa sapa hinungdan sa pagbara sa tubig ug dili kini pwede ma-earthball.
"This will help the Tejero and Lahug river, unya mu connect na ni sa Bonifacio, so hopefully mopaspas na ang flow once ma-complete na ang construction we can expect na ma-reduce ang flooding, so ang ato direction ani kay masulbad nato ang flooding,” matud ni Guardo. Giaprobahan na sa barangay ang permit ug adunay public hearing sa mga residente ug nisuporta sila sa royekto. (/GMR)(BANAT NEWS)
- Latest
