Soc nakaduso na og apelar sa desisyon sa SB
CEBU, Philippines – Giisip sa kanhi mayor ug karon konsehal sa Dakbayan sa Talisay Socrates Fernandez nga ang desisyon sa Sandiganbayan labot sa iyang kaso usa sa mga dakong hagit nga iyang giatubang.
Si Fernandez nagkanayon nga ilaha nang giduso ang iyang motion for reconsideration human nipakanaog og desisyon ang Sandiganbayan nga “guilty” siya sa obstruction of justice diin ang silot niini dili na makahupot og posisyon sa gobiyerno.
Si Fernandez nagmalaumon nga dunggon sa SB ang MR nga iyahang giduso.
Apan kon pabilin gihapon sa ilang hukom ang maong buhatan pangitaan gihapon nila kini og paagi aron mausab ang desisyon.
Si Fernandez ang gipasakaan og kaso sa Cebu Provincial Police Office (CPPO) niadtong tuig 2010 human sa iyang pagkuha sa pambabaye nga bag sulod sa sakyanan sa iyang sinagop nga si Joavan diin niadtong higayona ang maong sakyanan gipaubos sa kustodiya sa kapolisan. (/BDB)(BANAT NEWS)
- Latest
