Kadalanan di na papistahan, hayaan
CEBU, Philippines — Giawhag sa konseho sa Siyudad sa Sugbo ang publiko sa dili na pagpahigayon of kalihukan sa piyesta ingon man haya sa patay sa publiko nga kadalanan.
Sa resolusyon nga gipangamhanan ni Konsehal David Tumulak, ang konseho nihangyo sab sa mga opisyal sa kapilya nga anaa daplin sa kadalanan nga limitahan ang ilang paggamit sa karsada panahon sa piyesta. Kini isip tubag sa kamanduan ni Presidente Rodrigo Duterte pinaagi sa Department of Interior and Local Government nga hawanan ang kadalanan gikan sa mga nakaali niini aron moluag ang trapiko.
Ang konseho naghangyo sab sa mga opisyal sa kabarangayan nga tabangan ang kagamhanan sa siyudad sa pagpatuman sa mando sa Presidente.
Si DILG Secretary Eduardo Año niluwat og Memorandum Circular No. 2019-121 niadtong Hulyo 29, 2019 nga nagmando sa tanan local government units sa nasud nga limpyohan ang mga publikong kadalanan sa ilang lugar. Ang Department of Public Works and Highways Department Order No. 73 series of 2014 nagdili sab sa tanang temporary structures nga tukuron daplin sa mga nasudnong kadalanan.
Matud ni Tumulak nga ang bisan unsang mga istraktura nga ibutang sa kadalanan naghatag kini og peligro sa mga motorista ingon man sa mga tawo nga maglakaw. Dugang ni Tumulak nga ang maong mga istraktura nakadugang lang sa huot sa trapiko sa kadalanan. (BANATNEWS)
- Latest
