Kalihukan alang sa mga bata nga PWDs gipahigayon

CEBU, Philippines — Kalihukan alang sa kabataan nga adunay deperensiya sa panglawas ang gipahigayon diha sa San Pio Ville, Barangay Dumlog, Dakbayan sa Talisay.

Kini aron paghatag og awareness sa komunidad kalabot sa persons with disabilities (PWDs).

Ang maong kalihukan ubos sa pagtinabangay sa mga stakeholder nga gilangkuban sa JPIC-IDC, Inc.; University of San Carlos; Cebu Normal University; City of Talisy ug CHAMPS Therapy Center.

Ang nahisgutang kalihukan subay kiniu sa ika-41st National Disability Prevention and Rehabilitation Month nga adunay tema nga “Lokal na Pamahalaan: Kabalikat sa Pagtupad ng Karapatan ng mga Taong may Kapansanan”.

Adunay gipahigayon nga parada diin ang mga bata nga adunay deperensiya sa panglawas gisakay kini og traysikad ug giliyok diha sa komunidad.

Human sa maong parada gisunod ang programa diin adunay ni awit, sayaw ug ang kalihukan sa mga PWD nga naglakip sa ilang painting sa T-shirt nga mahimo nilang uniporme.

Uban sa mga PWD ang mga sakop sa ilang pamilya ug mga kabanayan aron sa paghatag kanila ug moral support.

Matud ni Maria Soccoro Burbos sa JPIC -IDC nga tumong sa maong kalihukan mao ang paghatag og awareness sa katawhan nga ang mga tawo nga adunay deperensiya sa panglawas dili angay itago ug ikauwaw tungod kay kabahin usab sila sa komunidad.

Ang mga PWD kinahanglan nga makighalubilo sa komunidad ug dili sila angayang maulaw sa ilang kahimtang. Si Burbos nibutyag nga aduna silay mga volunteer nga motabang alang sa therapy sa mga bata diha sa komunidad. (/BDB)(BANATNEWS)