JO ug casual nga niapil sa eleksiyon dili i-renew

CEBU, Philippines – Ang mga casual ug job order employees kinsa aktibong niapil sa niaging eleksiyon dili i-renew sa ilang trabaho sa Cebu City Hall.

Matud ni Atty. Floro Casas, city administrator nga ubos sa existing laws, ang city hall employees wala tugoti nga malambigit sa politika tungod kay ang public office non-partisan body.

Lakip kini sa factor nga ilang gitan-aw sa evaluation period gawas sa performance sa mga empleyado.

Gipangulohan ni Casas ang employee’s evaluation committee uban nila ni chief of staff Mary Rose Salvatierra-Lubino ug city attorney Rey Gealon.

Ang kasamtangang administrasyon gipaabot nga mopagawas sa final lineup sa department heads sa umaabot nga adlaw.

Sayo pa, ang mga key positions gipahibawo na ni Labella diin gawas nilang Casas, Lubino ug Gealon, mao sila si Atty. Gerone Castillo nga maoy city treasurer, Atty. Mark Salomon isip city budget officer, Atty. Jerome Ornopia city accounting officer, Atty. June Maratas isip hepe sa Department of Gener al Services, Dr. Daisy Villa isip city health officer, Engineer Kenneth Carmelita Enriquez isip city engineer ug Architect Florante Catalan pangulo sa Office of the Building Official. (/BDB)(BANAT NEWS)