First-Time Jobseekers Act gipaabot nga mapirmahan ni Duterte

CEBU, Philippines — Si Reelectionist Senator Sonny Angara nanawagan kang Presidente Rodrigo Duterte nga pirmahan na ang balaudnon nga nagtinguha nga dili pabayron sa mga dokumento sa gobyerno ang mga first time jobseekers o kadtong bag-ong nangita og trabaho.

Ang maong mga dokumento sama sa police clearance, NBI clearance, barangay clearance, medical certificate gikan public hospitals, birth ug marriage certificates, tax identification number, community tax certificate, certification of eligibility, multi-purpose ID card ug uban pang mga  documentary requirements nga i-isyu sa gobyerno nga buot pangayuon sa mga empoyers.

"Searching for a job can be costly and this measure can help to ease a bit the financial burden first-time jobseekers are faced with,” matud pa ni Angara sa iyang press statement.

Dugang sa senador nga basi sa data nga ang job applicants mogasto og P2 mil alang sa employment requirements diin kasagaran niini ang bayrunon sa mga government-issued documents.

Ang enrolled copy sa proposed First-Time Jobseekers Act anaa na sa Malacañang ug nagpaabot na sa pirma ni Duterte aron mahingpit na kining mahimong balaod.

Ubos sa maong bill, ang makapahimulos sa maong benepisyo mao ang  mga new graduates nga nakakumpleto sa K-12 program, bachelor’s degree  o technical-vocational course sa bisan asa nga tunghaan, college, university o tech-voc institution sa nasud.

Ang First-Time Jobseekers Bill nagmando kini sa Public Employment Service Office sa matag probinsiya, siyudad ug munisipyo sa pagtabang sa mga first-time jobseekers sa pagkuha og dokumento sa ilang job application, certification o clearance ug uban pa. (/DILT)(BANATNEWS)