Meca: Pag-regulate sa marijuana dili madali
CEBU, Philippines – Ang pag-regulate kabahin sa medical use sa marijuana ang dili madali kong nagpabiling problema ang supply niini matud sa pangulo sa Cebu Provincial Anti-drug Abuse Office (CPADAO) Carmen Remedios Durano-Meca.
“We all know here in the Philippine setting ang marijuana has really been abused in a sense nga mura siya’g alternative to shabu. So in my own opinion, it has to have deeper study as to what extent sa kaning medical nga use for legalizing it”, matud ni Meca.
Si Meca nikwestiyon usab kabahin sa pagkontrolar nga dili kini maabuso tungod kay adunay mga lugar nga adunay plantation sa marijuana.
“How can we control nga even right now anywhere naay plantation sa marijuana, depende kon naay mo-report nga naay nag-cultivate diha og marijuana. If this will be legalize how could we control it, in terms of the production of the plant itself?”, pangutana ni Meca.
Ang kongreso nipasar kini sa third ug final reading sa House Bill 6517 o ang “Act Providing Compassionate and Right of Access to Medical Cannabis and Expanding Research into its Medicinal Properties and for Other Purposes”.
Si Meca nagkanayon nga sa Probinsiya sa Sugbo adunay bukirang bahin diin posibleng makatanom og marijuana bisan sa subsob nga kampaniya sa kapolisan batok sa ilegal nga pagpananom niini.
Dugang ni Meca nga base sa record sa Cebu Provincial Police Office (CPPO) niabot ngadto sa 440, 825 ka gramong marijuana nga adunay street value nga P24.2 milyones ang nasakmit sa tuig 2018. (/BDB)(BANAT NEWS)
- Latest
